Store klossar blir til tal

Været er eit hett tema for tida. Det går i storm, hagl, sludd, regn, tidvis orkan i kastene, kuling, meir regn, lyn og torden, stort sett det meste innan RUSKAVÆR. Stormen Nina herja forrige helg, og la igjen mange spor og merker etter seg. Då vi kom i barnehagen mandag låg det store fine furutreet på haugen rotvelta nedover berget, og ein stor stein hadde falt ned rett ved dissene. Flaks at dette skjedde når ingen var i barnehagen. 

Vi lager vulkanutbrot i sandkassen. Bakepulver, Zalo og vatn blir til fossande "lava"

Med sånne værtilstander blir det mykje leik inne på avdeling. Turen tirsdag var spasertur "Foldnes rundt til fots" Vi stoppa undervegs og såg spor etter "Nina". Tilbake i barnehagen gjekk vi inn og spiste skiver og drakk kakao til lunsj. 

Løsnings lyspærene blir fargelagt

På Dinoskulen lærer barna å løyse problem. Willy kjem og fortel om ulike hendelsar på skulen der han fekk eit problem. T.d. ein gong i friminuttet då ein annan gut kom og tok ballen ifrå han. Barna kjem med forslag til Willy om kva han kunne gjort for å løyse problemet. Barna har lært tre ulike problemløysingsstrategiar; 

• Å dele
• Å spørre fint 
• Å hente ein voksen

Problemløysingsstrategien vert visualisert med ei teikning av løysingen inni ei teikna lyspære. 

Mandag hadde vi gym på fellesrommet saman med Tryllefløyten og Flåklypa. Vi gymma etter eit program som heiter "Minirøris", som vi hadde på cd plate. I tillegg hadde vi ein stor plakat med bilder av bevegelsane, som vi kunne sjå etter for å få det til.

Ania er begynt på Soria Moria og jobbar her fulltid. Vi er så heldige at ho skal være hjå oss ei tid framover.

Lise har sin siste dag på Soria Moria fredag. Frå mandag av kjem ho til å ha sitt daglege virke på Tyrihans. Takk for no Lise. 

Hjelparar denne veka har vore Eldar-Johan og Emmelin.

Fredag laga Eva Birthe kjøttkaker i brun saus til lunsj. Nammings, smakte fortreffeligt og gjekk ned på høgkant. 

Riktig god helg. 

Ania, Lise, Stine, Eva Birthe og Bente.