Dei to siste vekene har vore "mindre" enn vanleg, to og ein halv dags veke før påske og fire dagars veke etter påske. Mandagen før påske laga vi hinderløype på fellesrommet. Barna fekk utfolde seg i løypa og syntes det var kjempegøy.
Tirsdagen i forrige veke hadde vi ein fin tur til feriestille Foldnes skule og leika på leikeplassen der. Barna var høgt og lågt på leikeapparata og koste seg. I sekken hadde vi med fylte ostehorn og saft.
Mange hadde tatt ferie i barnehagen også, så Soria Moria barna talte berre 9 barn, altså halvert gruppe. Så dagane var litt annleis og rolegare enn vanleg. Onsdagen var alle avdelingane saman på ein avdeling, tilsammen 16 barn. Det er kjekt å leike på tvers av avdelingar, spesielt kjekt er det for dei som har søsken på ein annan avdeling.
Tirsdagen i denne veka var vi ute heile dagen. Etter frukost var det på med JAKKE OG JOGGESKO og ut i sola. Og der blei vi verande resten av dagen for det var SOL og fantastisk vær som måtte nytast. Barna elskar å høyre JAKKE OG JOGGESKO som påkledning når dei skal ut. Det er ikkje så rart etter mange våte, sure og kalde vintermånader med regntøy, kjeledress og tunge vintersko. Då er JAKKE OG JOGGESKO som musikk i øyrene deira og dei dansar ut i garderoben for å kle seg.
Onsdagen starta Dinoskulen opp igjen etter ferien. Brachiosaur kapittelet heldt fram endå ei tid og det handlar framleis om sosiale ferdigheter; samtale med andre, lytte, dele tankar og opplevelsar, presentere seg sjølv m.m.
Torsdagen hadde vi formingsaktivitet etter frukost. Barna laga såpebobleblåser. Stålstreng vart tvinna og forma, perler vart tredd på håndtaket. Alle satte sitt personlege preg på sin såpebobleblåser. Seinare på dagen miksa vi Zalovatn og gjekk på haugen for å blåse bobler. Litt utfordrande å få til bobler, men med litt øving så fyltes lufta etterkvart med svevande såpebobler og gledeshyl.
Torsdagen var også dagen for RUSSEDÅP FOR ROSARUSSEN. Førskulebarna i Leirstaden var fulle av forventning då dei gav seg ivei til amfiet der dåpen skulle foregå. Døpefonten var ein plastbalje. Barna kom fram ein etter ein, bøyde seg over baljen og fekk skvetta vatn på hovudet. Deretter høgtideleg overrekking av russelue, dåpsattest og russeknuteregler.
Eksempel på måter å få knuter på :
- Sykle ein runde i rundkjøringen
- Klemme alle dei vaksne i barnehagen
- Ete havregraut med gaffel
- Krabbe gjennom alle avdelingene i barnehagen
Hjelparar denne veka har vore Selma og Amalie.
GOD HELG !!!
Lise, Eva Birthe og Bente