Veke 15

Då er påskeferien over og barnehagelivet er tilbake i vante former igjen. Håper alle har hatt ein fin ferie ! 

Samarbeid i ulike former

Dinoskulen har denne veka jobba vidare med tema: samarbeid. Barna har i grupper samarbeidd om å pusle eit puslespel, bygge eit tårn av papir og malt og dekorert eit flott bilde av Regnbogefisken.

Det er blitt mange små Dinoføtter på den store blå Dinofoten

Ein ny fot er komt opp på den store blå Dinofoten. For å få fotmerke så må barna samle 5 Willymerker. Merkene får dei ved å gjere gode vennegjerningar. Denne kampanjen har ført til at barna har tileigna seg større kompetanse på det å være ein god venn. Det er no berre tre føtter igjen som må til for at det skal bli isfest.

Fredag hadde vi magisk samling med eventyret om "Gullhår og dei tre bjørnane" Barna sat stille og vart oppslukt av historien om jenta som åt grauten og sov i sengene til den vetle bjørnefamilien. 

Lydhørt publkum under samling

Flanellogram til eventyret

Været har vist seg frå ei skiftande side denne veka, men mykje fin utetid har det blitt likevel. Sandkassen er blitt tørr, regntøyet har fått henge på knaggen fleire dagar, sola har sendt sine strålar ned på oss og det er vår i luften, så vi må berre være takknemlig for sånne fine tider. 

Fredagen diska Eva Birthe opp med pølsegrateng og det var stor suksess. Barna digga det og åt store porsjonar. 

GOD HELG !!!

Helsing Soria Moria